 |
| ABVP |
జాతీయవాద నాయకులను అందించే మ్యేన్ మేకింగ్ ఫ్యాక్టరీ ఎబివిపి...
జూలై 9 ఎబివిపి ఆవిర్భావ దినోత్సవం (జాతీయ విద్యార్థి దినోత్సవం) సందర్భంగా ఎబివిపి జాతీయ సహ సంఘటన కార్యదర్శి శ్రీ బాలకృష్ణతో సాందీపని సహ సంపాదకులు దేవేందర్ ఎబివిపి స్థాపన, ప్రస్థానం, ఉద్యమాలు వంటి అనేక అంశాలపై ప్రత్యేక ముఖాముఖి నిర్వహించారు. ఆ ముఖాముఖి 2 భాగాలుగా వీఎస్‌కే తెలంగాణ వీక్షకుల కోసం అందిస్తున్నాము. ఇది మొదటి భాగము.
 |
| Shri Balakrishna - National Joint Event Secretary of ABVP |
ప్రశ్న: ప్రస్తుత విద్యార్థులకు ఎబివిపి లక్ష్యం గురించి వివరించండి?
ఎబివిపి 75 వసంతాల ఉత్సవాలు పూర్తిచేసుకుని విశ్వంలోనే అతిపెద్ద విద్యార్థి సంస్థగా అవతరించింది. ఎబివిపి సభ్యత్వం ఇప్పటికి 54,85,514, విద్యార్థి పరిషత్ దేశవ్యాప్తంగా దాదాపు 50 వేల కళాశాలల్లో ప్రవేశించింది. పదివేల శాఖలు కలిగి ఉంది. ఆజాద్ కా అమృత్ మహోత్సవాల సందర్భంగా 'ఏక్ గాన్ 'ఏక్ తిరంగా' కార్యక్రమానికి పిలుపునిస్తే 1,10,450 స్థలాలలో ఒకేసారి జాతీయ జెండా ఆవిష్కరించిన ఘనత ఎబివిపికి దక్కుతుంది. భౌగోళికంగా చూస్తే కన్యాకుమారి నుండి కశ్మీర్ వరకు, గుజరాత్ నుంచి మణిపూర్ వరకు ఇలా దేశంలోని దాదాపు అన్ని జిల్లాలలో విద్యార్థి పరిషత్ విస్తరించింది. అన్ని విశ్వవిద్యాలయాలలో ఎబివిపి పని నడుస్తోంది. అలాగే విద్యార్థులకు ఆయామాలు, గతివిధులు పేరుతో కార్యక్రమాలు నిర్వహిస్తున్నాము, మెడికల్, ఇంజనీరింగ్, అగ్రికల్చర్, ఆయుర్వేదికి, ఫార్మసీ ఇలా అన్ని రంగాల విద్యార్థుల కోసం, ఆయా విద్యార్థుల చదువులకు అనుగుణంగా వారిలో జాతీయ భావాలు నింపే ప్రయత్నం చేస్తున్నాము.
గత 75 సంవత్సరాలుగా 'నేషన్ ఫస్ట్' ఆలోచనతో విద్యార్థి పరిషత్ దేశం కోసం, దేశ సంస్కృతి పరిరక్షణ కోసం, విద్యార్థుల సమస్యల పరిష్కారం కోసం ఎన్నో రాజీలేని ఉద్యమాలు నిర్వహించింది. ఈ ఉద్యమాల నిర్వహణలో ఎన్నో విజయాలు సొంతం చేసుకుంది. ఎన్నో అనుభవాలను పొందింది. వామపక్ష భావజాలం, విభజించే సిద్ధాంతంలా కాకుండా భారతీయ తత్వంతో కూడిన కలిసి ఉండడం, కలిసి ఆలోచించడం, కలిసి పనిచేయడం వంటి మంచి గుణాలు యువతకు నేర్పింది. కాబట్టి విద్యార్థి పరిషత్ ఆలోచనలకు ఆదరణ లభించింది. కులం, ప్రాంతం, పార్టీ వంటి సంకుచిత అంశాల కోసం పనిచేసిన విద్యార్థి సంఘాలు, అలాగే దేశాన్ని విచ్చిన్నం చేయాలని చూసిన సంఘాలు నేడు గతి లేకుండా పోయాయి. అయితే విద్యార్థి లోకానికి విద్యార్థి పరిషత్ పిలుపునిస్తోంది రండి, మీ ఆలోచన ఆధారంగా మంచి వ్యక్తులతో కలిసి, సమాజంలో మార్పు తీసుకొస్తూ కలిసి పనిచేద్దాం. భారత్‌ను విశ్వగురువుగా నిలుపుదాం. ఇటువంటి మంచి ఆలోచనలకు ఎబివిపి ఎప్పుడూ వేదికగా నిలుస్తుంది.
అయితే విద్యార్థి పరిషత్ విద్యార్థి లోకానికి పిలుపునిస్తోంది. దేశానికి స్వాతంత్య్ర్యం వచ్చిన నాటి నుండి ఎలివిపి పనిచేస్తోంది. వ్యక్తి నిర్మాణ కార్యంలో అన్ని రకాల విద్యార్థులను కలుపుకొని వెళ్తూ "సబ్ చెలేంగే... సాత్ చెలేంగే" (అందరం కలిసి, అందరితో కలిసి) అనే ముఖ్య ఉద్దేశంతో ముందుకు వెళుతోంది. 'వ్యక్తి నిర్మాణం' అంటే వ్యక్తిలో మార్పు రావాలి, సమాజంలో మార్పు రావాలి.
ప్ర : 75 సంవత్సరాల విద్యార్థి పరిషత్ ప్రయాణం గురించి మీరేం చెప్తారు?
ఎబివిపి 1948లో ప్రారంభమైంది. 1975 నాటికి దేశంలోని అన్ని ప్రాంతాలకు విస్తరించింది. విద్యా రంగానికి బడ్జెట్లో 10 శాతం నిధులు కేటాయించాలని, దేశంలో 18 సంవత్సరాలు నిండిన ప్రతి ఒక్కరికి ఓటు హక్కు కల్పించాలని, జాతీయ గీతంగా వందేమాతరం ఉండాలని, దేశం పేరు భారత్‌గా ఉండాలని డిమాండ్ చేస్తూ విద్యార్థి పరిషత్ అనేక కార్యక్రమాలు, ఉద్యమాలు నిర్వహించింది. 1975లో భారతదేశ ప్రజాస్వామ్యాన్ని హత్య చేస్తూ ఇందిరాగాంధీ విధించిన ఎమర్జెన్సీకి వ్యతిరేకంగా జయప్రకాష్ నారాయణ నాయకత్వంలో విద్యార్థి పరిషత్ జరిపిన ఉద్యమం అద్వితీయమైనది. గుజరాత్, బీహార్లలో ఆవినీతికి వ్యతిరేకంగా హాస్టల్ విద్యార్థుల సమస్యలు పరిష్కరించాలన్న ఉద్యమాలు చెప్పుకోదగ్గవి.
1983లో 'సేవ్ అస్సాం ఉద్యమంలో 'చలో గౌహతి' కార్యక్రమం, 1990లో 'సేవ్ కాశ్మీర్' ఉద్యమంలో 'చలో కాశ్మీర్' కార్యక్రమం, 90 దశకంలోనే అయోధ్య శ్రీరామజన్మభూమిలో రామమందిర నిర్మాణం ఉద్యమంలో వేలమంది విద్యార్థులు పాల్గొనేలా ప్రేరణనిచ్చింది. 1980 నుండి 1997 వరకు తెలంగాణ ప్రాంతంలో రాడికల్ విద్యార్థి సంఘాలకు, నక్సలైట్లకు వ్యతిరేకంగా పోరాటం చేశాం. సరస్వతీ నిలయాలలో పెన్నులకు అవకాశం ఉండాలి తప్ప గన్నులకు కాదు అని ఎబివిపి స్పష్టంగా చెప్పింది. ఈ పోరాటంలో ఏచూరి శీనన్న నుండి మేరెడ్డి చంద్రారెడ్డి వరకు 30 మందికి పైగా కార్యకర్తలు హత్యలకు గురయ్యారు. ఇలా అనేకమంది ఎబివిపి కార్యకర్తలు సమాజ కార్యంలో పనిచేస్తూ బలిదానమయ్యారు. ఇలా అనేక పోరాటాలు, ఉద్యమాలతో విద్యార్థి పరిషత్ నిరంతరం పెరుగుతూనే ఉంది.
2000 సంవత్సరం తరువాత విద్యార్థి పరిషత్ ఎంతలా ఎదిగిందంటే ఒక విరాట్ స్వరూప దర్శనంగా చెప్పుకోవచ్చు. ప్రారంభ కాలం నుండి గల్లీల్లో ఇచ్చిన నినాదాలు, అన్ని ప్రాంతాల్లో చేసిన పోరాటాలు నేడు దేశ చట్టసభల్లో చట్టాలై బయటికి వస్తున్నాయి. వాటి ఫలితమే 370 ఆర్టికల్ రద్దు, సిఎఎ-ఎన్ఆర్సి దేశంలో అమలు కావడం, అయోధ్యలో భవ్యమైన రామ మందిరం నిర్మాణం, విద్య భారతీయత ఆధారంగా రూపొందించిన ఎన్ఐపి 2020 వంటివి కొన్ని ఉదాహరణలు.
ప్ర : ఎబివిపి రాజకీయ పార్టీలకు నాయకుల్ని తయారు చేస్తున్న ఫ్యాక్టరీ అని ఈమధ్య జాతీయ మీడియా వెల్లడించింది. దీనిపై మీ అభిప్రాయం ఏంటి?
కళాశాలలో చదువుకున్న వ్యక్తి కళాశాల జీవితం నుండి సమాజంలో అడుగుపెట్టిన తరువాత వివిధ రంగాలలోకి ప్రవేశించి, నాయకత్వం వహిస్తూ ఆ రంగాల్లో మార్పు తీసుకురావడం ఎబివిపి యొక్క ముఖ్య ఉద్దేశం. ఒకవిధంగా చెప్పాలంటే ఆ ఆలోచన సఫలీకృతం అయిందని చెప్పవచ్చు. ఎబివిపి కార్యకర్తలు అన్ని రంగాలలోనూ ఉన్నారు. కాకపోతే రాజకీయరంగం ప్రభావవంతంగా కనిపిస్తుంది కాబట్టి అక్కడికి వెళ్ళిన వారినే సమాజం గమనిస్తుంది. అంతే తేడా! కానీ "రాజ్ సహి సమాజ్ బదల్నా" (పాలించే వ్యక్తులు మారినంత మాత్రాన సమాజంలో మార్పు రాదు, సమాజంలో మార్పు రావాలి) అనే విషయాన్ని ఎబివిపి ఎప్పుడూ సమ్ముతుంది.
ఆర్థికంగా స్థిరపడి స్వాభిమానంతో జీవించాలనే డా. బాబాసాహెబ్ అంబేద్కర్ ఆలోచనతో దళిత్ ఇండియన్ ఛాంబర్ ఆఫ్ కామర్స్ అండ్ ఇండస్ట్రీ (DICCI) ని ప్రారంభించిన మిలింద్ కాంబ్లే, ఝార్ఖండ్‌లో జనజాతి సమాజ ఉద్ధరణ కోసం తన జీవితాన్ని అర్పించి పనిచేస్తున్న అశోక్ భగత్, సన్యాసం స్వీకరించి ఆధ్యాత్మిక రంగంలో ఉంటూ తమిళనాడులో వేలాదిమంది పేద విద్యార్థులకు విద్యను అందిస్తున్న నీలకంఠ ప్రియాంబ మాత, స్వదేశీ శాస్త్ర సాంకేతిక రంగంలో భారత్ ముందుండటంలో కృషిచేసిన డిఆర్డిఓ మాజీ చైర్మన్ సతీష్ రెడ్డి, ఈ దేశంలోని విద్య భారతీయకరణ కోసం రూపొందించిన 'జాతీయ విద్యావిధానం 2020' రూపకర్తలలో ఒకరైన కర్నాటకకు చెందిన ఎమ్.కె శ్రీధర్, విద్యారంగం కోసం ఎంతో కృషి చేసిన మహారాష్ట్రకు చెందిన బాలా ఆప్టే.. ఇలా ఎందరో దేశంలోని అన్ని రాష్ట్రాలలో గత 75 సంవత్సరాల నుండి దేశం కోసం మరణించడమే కాదు, దేశం కోసం జీవించడం అనే దృక్పథంతో కృషి చేస్తున్నారు. వేలమంది. ఎబివిపి కార్యకర్తలు అన్ని రంగాలలో నాయకత్వం వహిస్తున్నారు.
ఇలా ప్రతి రంగంలోనూ విద్యార్థి పరిషత్ ప్రభావం కనిపిస్తుంది. ఈశాన్య రాష్ట్రాలలో మార్పు రావడంలో ఎబివిపి చేసిన కృషి ఎనలేనిది. ఒక విధంగా చెప్పాలంటే ఎబివిపి నిశ్శబ్ద విప్లవం కారణంగా అన్ని వ్యవస్థల్లో పారదర్శకత పెరగడం, తద్వారా భారత్లో మంచి మార్పు జరగడం మనం గమనిస్తున్నాం. కాబట్టి ఒక్క రాజకీయ రంగానికే కాదు, అన్ని రంగాలకు నాయకులను అందించే మ్యేన్ మేకింగ్ ఫ్యాక్టరీ ఎబివిపి అని గర్వంగా చెప్పుకోవచ్చు.
ప్ర : ప్రస్తుత విద్యావిధానం ఎలా ఉంది? ఎబివిపి ఎటువంటి విద్యావిధానాన్ని కోరుతోంది?
ఎబివిపి మొదటి నుండి విద్య భారతీయకరణ కావాలని కోరుకుంటున్నది. విద్యలో ఏ విధమైన మార్పులు రావాలనే దానిపై విద్యార్థి పరిషత్ స్పష్టమైన ఆలోచనతో ముందుకు పోతోంది. ఇటీపల నలంద విశ్వవిద్యాలయం పునఃప్రారంభం జరిగిన తరువాత ప్రపంచవ్యాప్తంగా మనదేశంలోని ప్రాచీనకాలం నాటి విశ్వవిద్యాలయాల గురించిన చర్చ జరుగుతోంది. నలంద, తక్షశిల, విక్రమశిల, సోమపురి, పుష్పగిరి, విజయపురి, వల్లభి, ఉజ్జయిని, కాశీ వంటి ప్రపంచంలోనే అతి పెద్ద విశ్వవిద్యాలయాలు భారతదేశంలో విరాజిల్లాయి, వీటిల్లో 64 కళలు బోధించే వ్యవస్థ ఉండేది, పేద, ధనిక భేదం లేకుండా నాణ్యమైన విద్య అందరికీ అందుబాటులో ఉండేది, ధర్మాచరణ, భారతీయ భావన, స్వాభిమానం, వ్యక్తి సర్వాంగీణ వికాసం, సమాజం అంతా ఆనందంగా జీవించే వ్యవస్థను. మనం అనాటి విద్యావ్యవస్థలో దర్శించాము. ఒక్క నలంద విశ్వవిద్యాలయంలోనే ప్రపంచం నలుమూలల నుండి ఏటా సుమారు పదివేల మంది విద్యార్థులు వచ్చి చదువుకునేవారు. ఎప్పుడైతే మహమ్మద్ బీన్ కాశిం 8వ శతాబ్దంలో భారత్ మీదికి దండెత్తివచ్చాడో అప్పటినుండి భారతదేశంలో ఉన్న విద్యావ్యవస్థను ధ్వంసం వేసే ప్రయత్నం జరిగింది. అలాగే నలంద విశ్వవిద్యాలయాన్ని 12వ శతాబ్దంలో భక్తియార్ ఖిల్జీ ధ్వంసం చేసి అక్కడి గ్రంథాలయాన్ని తగలబెడితే 9 లక్షలకు పైగా గ్రంథాలు బూడిదయ్యాయి. గ్రంథాలయం పూర్తిగా తగలబడటానికి సుమారు నాలుగు నెలల సమయం పట్టిందని చరిత్ర చెప్పిన సత్యం, విదేశీ దాడుల వల్ల ఒక్క నలందే కాక అనేక విశ్వవిద్యాలయాలు కనుమరుగయ్యాయి. అప్పటి విశ్వవిద్యాలయాల విధ్వంస గాథలు కన్నీటిని తెప్పిస్తాయి. మొఘలుల అంసంతరం వచ్చిన బ్రిటిష్ వారు మన మాతృభాషలపైనే దాడి జరిపి, ఆంగ్లం తప్పనిసరి చేశారు. మొఘలులు ఈ దేశ చైతన్యాన్ని చంపేస్తే, బ్రిటిష్వారు చైతన్యంతో పాటు చింతన (ఆలోచన)ను కూడా మట్టుబెట్టారు. 1835లో మెకాలే ప్రవేశపెట్టిన బ్రిటిష్ విద్యావిధానంతో ఇక్కడి ప్రజలలో స్వాభిమానం, దేశభక్తి నశించాయి. దేశానికి స్వాతంత్ర్యం వచ్చిన తరువాత కాంగ్రెస్ ప్రభుత్వం విద్యావ్యవస్థను నిర్లక్ష్యం చేసింది. అనేక రకాల విద్యా కమిషన్లు అనేక సలహాలు ఇచ్చినప్పటికీ చిత్తశుద్ధి లేని కాంగ్రెస్ అధికార దాహంతో విద్యావ్యవస్థను కమ్యూనిస్టుల చేతిలో పెట్టి మరింతగా భ్రష్టు పట్టించింది. విదేశీ భావజాలం కలిగిన వ్యక్తులు విద్యాశాఖ మంత్రులు కావడం వల్ల ఇది మరింతగా దిగజారింది, బ్రిటిష్ మానపపుత్రిక కాంగ్రెస్ విధానాల వల్ల మెకాలే విద్యావిధానం నేటికీ కొనసాగుతోంది. తద్వారా వలసవాద బానిస మనస్తత్వం నేటికీ పెరుగుతూనే ఉంది.
అయితే ఎబివిపి విద్యలో జాతీయ భావాలను నింపాలని, భారతీయకరణ జరగాలని, దానికోసం మాతృభాషలో విద్యాబోధన జరగాలి అని వెబుతోంది. ఎందుకంటే ప్రపంచంలో అభివృద్ధి చెందిన దేశాలు తమ విద్యార్థులకు వారి వారి మాతృభాషలలో మాత్రమే విద్య చెపుతాయి కాబట్టి. కానీ భారతదేశంలో ఈ మెకాలే విద్యావిధానంతో ఆంగ్లం తప్పనిసరి చేశారు, మన చరిత్రను, పాఠ్యాంశాలనూ వక్రీకరిం చారు. ఇలా గుమస్తాగిరి మనస్తత్వాన్ని భారతీయులలో నింపే ప్రయత్నం చేశారు. అంతేకాక మానవ విలువలు, కుటుంబ విలువలు తగ్గిపోతున్నాయి. పర్యావరణ పరిరక్షణ మీద అవగాహన లేకుండా పోతోంది. వలసవాద బానిస మనస్తత్వం నుంచి భారతీయ మేధస్సుకు స్వేచ్ఛను ప్రకటించే, భారతీయకరణ విద్య అమలును ఎబివిపి కోరుకుంటున్నది.
ప్ర: జాతీయ విద్యా విధానాన్ని కేంద్ర ప్రభుత్వం ప్రవేశపెడితే అది ఇప్పటికీ రాష్ట్రాలలో అమలు కావట్లేదు ఎందుకు? కారణాలేమిటి?
విద్యా వ్యవస్థలో మార్పులు తీసుకురావడానికి భారతదేశ స్వాతంత్య్రం అనంతరం కేవలం 1964-66 కొఠారి కమిషన్, 1986 ప్రొఫెసర్ రామ్మూర్తి అధ్యక్షతన నూతన విద్యా విధానం రూపొందింది. ఇవి విద్యాసంస్కరణలు మాత్రమే కానీ జాతీయ విద్యా విధానం వీటిలో ప్రతిబింబించలేదు. 2018లో కస్తూరి రంగన్ నాయకత్వంలో జరిగిన అధ్యయనం లక్షలమంది విద్యార్థులు, విద్యావేత్తలు, మేధావులతో అభిప్రాయాల సేకరణ అనంతరం జాతీయవిద్యా విధానం -2020 రూపొందింది. ఈ విధానం వల్ల భారతీయ జ్ఞాన పరంపర, మాతృభాషల ఆధారంగా ప్రాథమిక స్థాయి నుండి విశ్వవిద్యాలయ స్థాయి వరకు విద్యార్థుల సర్వాంగీణ వికాసం కోసం మల్టీ డిసిప్లినరీ విద్యను అందించడం జరుగుతుంది. లిబరల్ ఆర్ట్స్ ఉన్నటువంటి కళలు పాఠ్యప్రణాళికలో భాగంగా మారుతాయి. ఎన్ఇపి 2020 అందించే విద్య ద్వారా విద్య అంటే కేవలం ఉద్యోగం కోసమే కాకుండా ఉద్యోగాల్ని కల్పించే రంగంగా విద్యా విధానం మారుతుంది. భారతీయ జ్ఞాన పరంపర ఆధారిత వ్యవస్థ రూపొందించడమే ఈ విద్యా విధానం లక్ష్యం.
దురదృష్టవశాత్తు తమిళనాడు, బెంగాల్, కేరళ, కర్ణాటక తదితర రాష్ట్రాలు దీనిని రాజకీయ అంశంగా చూస్తున్న కారణంగా అమలు జరగటం లేదు, ఇలా ఈ విద్యా విధానాన్ని పెడదారి పట్టిస్తున్న కారణంగా విద్యార్థులకు, సమాజానికి నష్టమే గాని లాభం లేదు.. కాబట్టి జాతీయ విద్యావిధానాన్ని పార్టీలకతీతంగా చూడాలి,
ప్ర : ప్రస్తుతం విద్య వ్యాపారమైంది. పేదలకు అందని ద్రాక్షగా మారుతోంది. ఎబివిపి ఈ సమస్య పరిష్కారం దిశగా ఏమైనా ప్రయత్నం చేస్తున్నదా?
భారతదేశంలో విద్యాబోధన సేవారంగంగా ఉండేది. అందరికీ ఉచితంగా విద్య అండేది. అందుకే ఈ దేశం జ్ఞానభూమిగా, రత్నగర్భగా, శౌర్య పరాక్రమాలు కలిగిన దేశంగా విలసిల్లింది. 14వ శతాబ్దం వరకు గురుకులాలు, విశ్వవిద్యాలయాలతో ఈ దేశం విద్యాబోధనకు ఉత్తమ దేశంగా పేరుప్రఖ్యాతులందుకుంది, మదన్ మోహన్ మాలవ్య కృషితో బెనారస్ హిందూ విశ్వవిద్యాలయం, బాలగంగాధర తిలక్ ప్రోత్సాహంతో దక్కన్ ఎడ్యుకేషన్ సొసైటీ, రవీంద్రనాథ్ ఠాగూర్ కృషితో కలకత్తాలో శాంతినికేతన్, పూనేలో మహర్షి కార్వే ప్రత్యేకంగా మహిళల కోసం విద్యాసంస్థ మొదలైనవి స్థాపితమయ్యాయి. ఉమ్మడి ఆంధ్రప్రదేశ్‌లో ఆనాటి జాతీయవాదుల ప్రోత్సాహంతో జాతీయ విద్యాసంస్థలు మొదలయ్యాయి. 1905లోనే కృష్ణాజిల్లా మచిలీపట్నంలో హిందూ కళాశాల, భాగ్యనగర్‌లో ఏవీ కళాశాల, చిత్తూరు మదనపల్లిలో బిటి కళాశాల ప్రారంభమయ్యాయి. కందుకూరి వీరేశలింగం తన యావదాస్తిని విద్య కోసం దానం చేసి అందరికీ ఉచిత విద్య అందించడానికి కృషి చేశారు, ఇలా అనేకమంది వ్యక్తులు, సంస్థలు భారతదేశంలో ఉచిత విద్య అందించడానికి కృషి చేశారు.
స్వాతంత్య్రం వచ్చిన తరువాత అమలైన విద్యావిధానాల కారణంగా, మరియు విద్య గ్లోబలైజేషన్ ఎప్పుడయిందో అప్పటి నుండి మనదేశంలో విద్య వ్యాపారీకరణ జరిగింది. ప్రయివేటు విద్యా సంస్థల ఫీజుల దోపిడీ మొదలైంది. అప్పటినుండి విద్య వ్యాపారీకరణ ధోరణికి వ్యతిరేకంగా ఎబివిపి ఉద్యమిస్తూనే ఉంది. ప్రభుత్వ విద్యను కాపాడుకోవాలి, వ్యాపారీకరణను నియంత్రించాలనే ప్రయత్నంతో అనేక సంవత్సరాల నుండి రాజీలేని పోరాటం చేస్తోంది. అయితే ప్రభుత్వ పెద్దలే తమ స్వార్థం కోసం విద్య ప్రయివేటీకరణను ప్రోత్సహిస్తున్నారు. ఇది విద్య వ్యాపారీకరణకు, విద్యామాఫియాకు దారితీస్తోంది. దీనివల్ల ప్రభుత్వ విద్య కుంటుపడుతోంది. జాతీయ విద్యావిధానం అమలైతే వీటన్నిటికీ పరిష్కారం లభిస్తుందనేది ఎబివిపి నమ్మకం.
ప్రశ్న: ఎబివిపి ఆవిర్భావ దినోత్సవం సందర్భంగా విద్యార్థులకు విద్యార్థి పరిషత్ మీరిచ్చే సందేశం ఏమిటి?
దేశం ప్రస్తుతం అమృతకాలంలో ఉంది. గడిచిన వేయి సంవత్సరాల పాటు వలసవాద బానిసత్వంలో మగ్గిన దేశం రాబోయే వేయి సంవత్సరాలలో ఉదయించే సూర్యుని వెలుగులా ఉత్తేజంతో బయటికి రావలసి ఉంది. ఈ దిశలో రాబోయే 25 సంవత్సరాలు. దేశానికి ఎంతో ముఖ్యమైనవి. ఎందుకంటే యువత ఎక్కువ ఉన్న దేశం మనది. వీర సావర్కర్ చెప్పినట్లు యువత అంటే వాయువుతో సమానం, వాయువుని విచ్చలవిడిగా వదిలేస్తే ప్రళయం వస్తుంది. ప్రకృతి విలయతాండవమవుతుంది. దానిని ఒకదిశగా తీసుకొస్తే ప్రాణశక్తిగా మారుతుంది. అలాగే ఎబివిపి దేశ నిర్మాణంలో గత 75 సంవత్సరాల నుండి నిరంతరంగా పనిచేస్తుంది. దేశం కోసం పనిచేసే ప్రతి వ్యక్తికి ఎబివిపి వేదిక అవుతున్నది. 'మీ దగ్గర ఆలోచన ఉ ౦టే-మా దగ్గర సమూహం ఉంది. మీ దగ్గర సమూహం ఉంటే మా వద్ద ఆలోచన ఉంది, రండి! ఆలోచనలు పంచుకుందాం, కలిసి పని చేద్దాం. దేశాన్ని 'విశ్వగురు భారత్' వైపుగా నడిపిద్దాం.
దేశంలోని ప్రతి రంగంలోనూ మార్పులు వస్తున్న ఈ తరుణంలో దేశ నిర్మాణ కార్యం మరింత ముందుకు పోయేందుకు నేటి యువత దృష్టి పెట్టాల్సిన సమయం ఆసన్నమైంది. ఓ పక్క సమాజంలో మంచి మార్పులు వస్తుంటే, మరోపక్క విచ్చిన్నవాద శక్తులు కూడా పెరుగు తున్నాయి. స్వతంత్రం తరువాత కూడా బ్రిటిష్ మానసపుత్రులైన కాంగ్రెస్ వాళ్లు 'విభజించు పాలించు' పద్ధతిని కొనసాగించి; భాషలు, ప్రాంతాల మధ్య భేదాలను పెంచారు. ఎమర్జెన్సీ సమయంలో రాజ్యాంగాన్ని, ప్రజాస్వామ్యాన్ని హత్యదేసినవాళ్ళు, అంటేద్కరు భారతరత్న ఇవ్వటానికి ఇష్టపడని వాళ్ళు, పార్లమెంట్లో ఆయన ఫోటోకూడా పెట్టలేనివాళ్ళు, రాజ్యాంగాన్ని 100 సార్లు మార్చిన వాళ్ళు ఈరోజు రాజ్యాంగ పరిరక్షణ గురించి మాట్లాడుతున్నారు. ఇది కేవలం దయ్యాలు వేదాలు వల్లించినట్లే. గత కొన్ని సంవత్సరాలుగా సూరో సెక్యులర్, కమ్యూనిజం భావాలు కలిగిన వారు దేశాన్ని కులాల ఆధారంగా విభజించే ప్రయత్నం చేస్తున్నారు. ఇన్ని సమస్యల మధ్య కూడా ఎబివిపి వంటి జాతీయవాదులు అన్ని రంగాలలో నిరంతరం పనిచేస్తున్నందువలన ప్రపంచ దేశాలన్నీ భారతదేశాన్ని సమ్మకమైన మిత్రునిగా ఆదరిస్తుండటం చూస్తే త్వరలోనే దేశం విశ్వగురువుగా అవతరించే కల సాకారమవుతుందని అర్థమవుతోంది. క్షణం క్షణం మన కణం కణం భరతమాతకే సమర్పణం, ఇది కేవలం నినాదం. కాదు, ఆచరణాత్మకంగా జీవించడానికి ఎబివిపి వేదికగా ఉంటుంది. అలా పని చేయడానికి యాపత్ యువతకు ఎబివిపి పిలుపునిస్తోంది.
Courtesy : vskts
