భూ భూతం !

దాని చరిత్ర తెలుసుకోండి.

   WAQF" అనే పదం ఖురాన్‌లో లేదు.  రాజ్యాంగంలో కూడా కనిపించదు. ఖురాన్ తరువాతి వచ్చిన హదీసులలో మాత్రమే దీని ప్రస్తావన ఉంది.

హిందూ గ్రంధాలలో దీపావళి టపాకాయలు గురించి చెప్పబడలేదు అనే ఆరోపణతో వాటిని నిషేధించే మిలార్డ్‌లను మనం తప్పక ఈ ప్రశ్న అడగాలి: వారు అదే ప్రాతిపదికన అంటే వారి మత గ్రంధాలలో లేని WAQF ని కూడా నిషేధిస్తారా అని??

ఈ WAQF గురించిన తొలి పురావస్తు సూచన 10వ శతాబ్దంలో మాత్రమే కనిపిస్తుంది. అంతకు ముందు WAQFకు సంబంధించి నమోదు చేయబడిన యే రుజువు లేదు. అయితే, అప్పుడు ఉన్న WAQF  ప్రస్తుతం ఉన్న WAQF బోర్డుల నుండి పూర్తిగా భిన్నమైనది. వ్యత్యాసాన్ని తెలుసుకోవడానికి, అసలు WAQF అంటే అప్పుడు మరియు ఇప్పుడు దాని అర్థం ఏమిటో తెలుసుకుందాం.

పూర్వ రోజుల్లో, WAQF ప్రాథమికంగా ఇస్లామిక్ ఎండోమెంట్, ఇది మతపరమైన మరియు స్వచ్ఛంద ప్రయోజనాల కోసం స్థాపించబడింది.   అయితే, మిగతా ఇండోమెంట్స్ కి దీనికి మధ్య ఒక భారీ వ్యత్యాసం ఉంది.  ఏదైనా WAQF (ఎండోమెంట్) ఒకసారి అమలు చేయబడితే రద్దు అది చేయబడదు. అంటే, అది ఇక చేతులు మారదు. "ఒకసారి WAQF, ఎల్లప్పుడూ WAQF".

అనేదే ఆ సూత్రం.

ఆచరణాత్మకంగా, దీని అర్థం ఏమిటంటే  ఆ కాలంలో WAQF ఎల్లప్పుడూ ప్రభుత్వ (ముస్లిం పాలకుడు) నియంత్రణలో ఉంటుంది. 'వాకీఫ్' అంటే (జారీ చేసినవారు) మరియు 'ముతవల్లి'  అంటే (సంరక్షకుడు)కి దానిపై ప్రైవేట్ హక్కులు లేవు. అప్పట్లో "WAQF బోర్డు" లాంటిదేమీ లేదు.

నేటి WAQF బోర్డు (సెంట్రల్ WAQF కౌన్సిల్) 1964లో నెహ్రూచే స్థాపించబడింది. నేడు, WAQF బోర్డు హిందూ భూములను ఒక క్రమపద్ధతిలో లాక్కొని భారతదేశంలో రక్షణ మరియు రైల్వే వంటి కేంద్ర ప్రభుత్వ సంస్థల తర్వాత దేశంలో మూడవ అతిపెద్ద భూ యజమానిగా అవతరించింది.

ఉదాహరణకు 'చౌరాసి ఖంబా'  విషయాన్నే పరిగణించండి. ఇది 12వ శతాబ్దంలో ఘోరిడి లచే నాశనం చేయబడిన హిందూ కృష్ణ దేవాలయం. అయితే, ఆక్రమణదారులు పూర్తిగా ధ్వంసం చేయలేదు. నేటికీ విష్ణువు యొక్క అవతారాలను వర్ణించే శిల్పాలు స్తంభాలపై కనిపిస్తాయి. హిందూ దేవాలయాన్ని ధ్వంసం చేసి మసీదుగా మార్చడమే వారి అసలు ఉద్దేశం. విధ్వంసం తరువాత, ఇది వాస్తవంగా వదిలివేయబడింది. వందల సంవత్సరాలుగా జుమ్మా నమాజ్ /శుక్రవారం ఆరాధన లేదు.

అయితే, ఇది ఇప్పుడు మసీదుగా అయిపోయింది. ఎలా అంటే,  దానిలో ప్రార్థనలు జరిగాయి అని చెప్పి 20వ శతాబ్దంలో, WAQF బోర్డు ఎక్కడా లేని విధంగా ఈ నిర్మాణాన్ని తనదిగా క్లెయిమ్ చేసింది, వారి అభ్యర్థనను ప్రభుత్వం ఆమోదించింది.  ఇది ఇప్పుడు WAQF ఆస్తి. ఆ విధంగా, ప్రభుత్వాలు కేవలం ఇస్లామిక్ ఆక్రమణదారుల గత విజయాల ఆధారంగా కూడా WAQF బోర్డు భూములను ఆక్రమించుకునేలా చేయడం ద్వారా విదేశీ జిహాదీ దండయాత్రలను ధృవీకరించాయి.

హైదరాబాద్‌లో అధిక ధర పలికే అక్కడ భూములకు వీళ్ళు రిజిస్టర్డ్ యజమానులు. అయితే,  WAQF బోర్డు ఆ భూమి తమది అని ప్రకటించడం తో తమ సొంత భూములపై ​​తమ యాజమాన్య హక్కును తొలగించినందుకు వారు రోడ్లపైకి వచ్చి నిరసనలు తెలిపారు.

ఈ కుటుంబాలు వారి భూములకు రిజిస్టర్డ్ యజమానులు. వారు నిజంగా భూమి యజమానులని సూచిస్తూ ప్రభుత్వ పట్టా కలిగి ఉన్నారు? మరి వారు దానిని ఎలా కోల్పోయారు? ఎలాగంటే,  ఈ నివాసితులకు మనలో చాలా మందిలాగే ఈ వక్ఫ్ విషయంలో అవగాహన లేదు, సమాచారం లేదు మరియు అజాగ్రత్తగా ఉన్నారు. దాని వల్ల ఇప్పుడు ఇలా ఇబ్బందులు పడుతున్నారు. క్రింద న్యూస్ పేపర్ కటింగ్ చదవండి.

ఈ బొడుప్పల్ నివాసితులు తమ భూమిని ఒక రియల్ ఎస్టేట్ బ్రోకర్ నుండి తీసుకున్నారు, ఆ బ్రోకర్ దానిని 50-70 సంవత్సరాల క్రితం ఒక ముస్లిం వ్యక్తి నుండి తీసుకున్నాడు. 1989లో, WAQF బోర్డు ఈ భూములు ఒకప్పుడు ముస్లిం పవిత్ర వ్యక్తికి చెందినవని తమకు ఆధీనం చేయాలి అని పేర్కొంది.

మొత్తానికి ఈ 294 ఎకరాల భూమిపై WAQF క్లెయిమ్‌ను ప్రభుత్వం ఆమోదించింది. ఇటీవల, WAQF బోర్డు కొంతమంది నివాసితులను వారి స్వంత ఆస్తుల నుండి తొలగించింది. దీంతో వారు మేల్కొని కోర్టును ఆశ్రయించారు.

"ఈ 30 ఏళ్ల బట్టి మీరు ఏం చేస్తున్నారు?" అని కోర్టు తిరిగి నివాసితులనే ప్రశ్నించి కేసులు కొట్టేసింది. "ఒకసారి WAQF, ఎల్లప్పుడూ WAQF" అనేది WAQF బోర్డు యొక్క మంత్రం. అందుకే ఇది అత్యంత ప్రమాదకరమైన అంశం. అంటే గతంలో ఒక ఆస్తి ఎప్పుడైనా ఒక ముస్లిం వ్యక్తి/సెయింట్‌కు చెందినదని నమ్మడానికి కారణాలు ఉన్నాయి అని WAQF బోర్డు "నమ్మితే"  మీ భూమిని అది స్వాధీనం చేసుకోవచ్చు/దోచుకోవచ్చని దీని అర్థం.

పై పేరాలో "నమ్మకం" అనే పదాన్ని గమనించండి. WAQF చట్టం 1995 ప్రకారం,  WAQF బోర్డు 'ఫలానా ఆస్తి మాది అని కేవలం నమ్మితే' చాలు.  అంటే మీ భూమి ఒక ముస్లిం కి చెందినదని నమ్మాలి. అది చాలు. కానీ అది వక్ఫ్ ది 'కాదు' అని రుజువు అందించాల్సిన బాధ్యత మీపైనే ఉంటుంది. ఒక వేళ రుజువు ఉంటే దానిని మీరు ఎక్కడ ఇవ్వాలి? మీరు కోర్టుకు వెళ్లకూడదు. మీరు మళ్ళీ WAQF ట్రిబ్యునల్‌ కే వెళ్లాలి, ఈ చట్టం యొక్క అపహాస్యం ఏమిటంటే, ఎవరైతే మీ భూమిపై తన దౌర్జన్యపూరిత దృష్టిని పెట్టారో వారి బోర్డు ముందే మీ రుజువులు చూపించి మీ కేసును వాదించవలసి ఉంటుంది.

ఈ చట్టంలోని అత్యంత క్రూరమైన అంశం ఏమిటంటే, WAQF బోర్డు (ఈ బోర్డు లో కేవలం ముస్లింలను మాత్రమే ఉంటారు) నిర్ణయమే అంతిమమైనది మరియు దానికి కట్టుబడి ఉండాలి.

"WAQF ట్రిబ్యునల్ నిర్ణయమే అంతిమమైనది" అంటే సుప్రీంకోర్టు కూడా WAQF బోర్డు నిర్ణయాన్ని సవాలు చేయలేదు.

"ఒకసారి WAQF, ఎల్లప్పుడూ WAQF" అనే నినాదం  WAQF బోర్డు వారి వెబ్‌సైట్‌లో ముందుగా కనిపిస్తుంది. అయితే, ఇది పేరుకు  సిద్ధాంతం మాత్రమే. ఆచరణాత్మకంగా, WAQF భూమి తరచుగా అవినీతి WAQF సభ్యుల చే విక్రయించబడుతోంది. ఇటువంటి కేసులోనే ఢిల్లీ ఆప్ ఎమ్మెల్యే అమానుల్లా ఖాన్ ని గత వారం ఈడీ అరెస్ట్ చేసింది.

సింపుల్ గా చెప్పాలి అంటే మీరు ఎవరైనా అబ్దుల్ నుండి  భూమి కొనుగోలు చేస్తే అది ఎప్పుడైనా WAQF భూమిగా ప్రకటించబడే అవకాశం ఉంది అని అందరూ గమనించాలి. 

భారతదేశపు అత్యంత సంపన్నుడు ముఖేష్ అంబానీ విషయం లో సరిగ్గా ఇదే జరిగింది.

అంబానీ ఇల్లు 'యాంటిలియా' ప్రపంచంలోనే అతిపెద్ద మరియు అత్యంత విస్తృతమైన ప్రైవేట్ గృహాలలో ఒకటి. 27 అంతస్తులు, 173 మీటర్లు ఎత్తు, 37,000 చదరపు మీటర్ల కంటే ఎక్కువ వైశాల్యం గలది.  WAQF బోర్డు అతని ఇంటిపై దావా వేసింది.

2005లో అంబానీ కొనుగోలు చేసిన భూమి ముస్లిం అనాథాశ్రమానికి చెందినదని, అందువల్ల ఈ విక్రయం చట్టవిరుద్ధమని పేర్కొంది.

ఈ భూమిని ఎవరు అమ్మారు? WAQF ముస్లిం లబ్ధిదారులు! మరి "ఒకసారి wakf..ఎప్పుడూ wakf" అనే సూత్రం ఏమైంది? అంటే దీనిని ఆస్తి ఇతరుల నుండి గుంజుకోవడానికి ఉపయోగిస్తున్నారు కానీ వక్ఫ్ ఆస్తుల పరిరక్షణకు ఉపయోగించడం లేదు అన్న మాట.

WAQF చట్టం 1995ను రూపొందించింది ఎవరు? ఇంకెవరు? పీవీ ఆధ్వర్యంలో కాంగ్రెస్ ప్రభుత్వమే.

దశాబ్దాలుగా, లౌకిక ప్రభుత్వాలు WAQF బోర్డుకు అధికారం కల్పిస్తూ వివిధ చట్టాలను ఆమోదించాయి, భారతదేశంలోని అత్యంత ధనవంతుడు కూడా దీని వల్ల సురక్షితంగా లేడు అని అంబానీ కేసులో రుజువు అయింది.

గత రెండు రోజుల్లో ముందు రెండు భాగాలు చదివాము కదా! ఇదిగో మూడో భాగం చదవండి.

హైదరాబాద్ లో ఇండియన్ స్కూల్ ఆఫ్ బిజినెస్ భారతదేశంలోని అత్యంత ప్రతిష్టాత్మకమైన సంస్థ. అలాగే, మైక్రోసాఫ్ట్ మరియు విప్రో క్యాంపస్‌లను  WAQF భూమిలో నిర్మించారని WAQF బోర్డు పిటిషన్‌ వేసింది.

 మైక్రోసాఫ్ట్/ఐఎస్‌బీ/విప్రో క్యాంపస్‌ ల కోసం వారు రాష్ట్ర ప్రభుత్వ భూములను లీజుకు తీసుకున్నారు. కానీ, మణికొండ మొత్తం కలిపి ఈ 1654 ఎకరాల భూమిని WAQF అని WAQF బోర్డు పేర్కొంది. ఎందుకు? ఎలా? ఎలా అంటే? ఇది ఒకప్పుడు హుస్సేన్ షా వాలి అనే ముస్లిం కి చెందినదని WAQF పేర్కొంది.

భయాందోళనకు గురైన తెలంగాణ రాష్ట్ర ప్రభుత్వం దీని నుండి బయట పడటానికి కోసం సుప్రీంకోర్టు తలుపులు తట్టింది. అదృష్టవశాత్తూ, సుప్రీంకోర్టు రాష్ట్రానికి అనుకూలంగా తీర్పునిచ్చింది. ఇలా #WAQF నిర్ణయాన్ని సుప్రీం కోర్టు రద్దు చేయడం చాలా అరుదైన కేసుగా చెప్పవచ్చు.

సుప్రీంకోర్టు ని సంప్రదించడానికి రాష్ట్ర ప్రభుత్వానికి తగినంత శక్తి మరియు వనరులు ఉన్నాయి. అయితే మరి సామాన్యుడి సంగతేంటి? ఒక వైపు wakf నుండి ఇటువంటి ఇబ్బందులు ఎదుర్కొంటూ కూడా అదే తెలంగాణ రాష్ట్ర ముఖ్యమంత్రి కేసీఆర్ WAQF బోర్డుకు  న్యాయపరమైన అధికారాలు కల్పిస్తామని  హామీ ఇచ్చారు.

అంటే, మరో మాటలో చెప్పాలి అంటే వీరు వారికి న్యాయపరమైన అధికారాలు ఇచ్చి హిందువులపై ఒక భస్మాసుర హస్తం ఏర్పాటు చేస్తారు అన్న మాట. అయితే అదే భస్మాసురుడి నుండి ఇబ్బంది ఎదురయినప్పుడు మాత్రం వాళ్ళని వారు రక్షించుకోవడానికి సుప్రీం కోర్టుకు పరుగులు పెడతారు. దానిపై యుద్ధం చేసి తప్పించుకునే శక్తి వీరికుంది. కానీ వీరు సామాన్యులను మాత్రం వక్ఫ్ దయకి వదిలేసారు.

సమాధానం ఏమిటంటే, WAQF బోర్డు ప్రైవేట్ హిందూ మరియు పబ్లిక్ స్టేట్ ఆస్తులపై దావా వేస్తోంది మరియు వివిధ రెవెన్యూ శాఖలు మరియు సెక్యులర్ స్టేట్ ప్రభుత్వాలు WAQF క్లెయిమ్‌లను ఆమోదిస్తున్నాయి అంతే! నేడు, భారతదేశంలోని WAQF ఆస్తుల విలువ 12 లక్షల కోట్లుగా అంచనా వేయబడింది. దీంతో భారతదేశంలోని WAQF బోర్డు అత్యంత ధనిక ప్రభుత్వేతర ల్యాండ్ హోల్డింగ్ బాడీగా చేసింది.

దేవాలయాలు, ప్రభుత్వ భూములు హిందూ ప్రైవేట్ భూములే కాదు WAQF బోర్డు టార్గెట్ చేస్తోంది. హిందూ ప్రైవేట్ సంస్థలు ఆయిన RSS ఆధీనంలో ఉన్న భూమిని కూడా WAQF తన భూమి అని పేర్కొంది. ఈ భూమిని ఆర్‌ఎస్‌ఎస్ మామూలుగాకొనుగోలు చేసింది. అయితే, ఆ భూమి ఒకప్పుడు ముస్లిం స్మశాన వాటికగా ఉందని WAQF బోర్డు చెబుతోంది.

తాజాగా, హైదరాబాద్ నడిబొడ్డున ఉన్న 'మారియట్' హోటల్ అంటే గతంలో వైస్రాయ్ హోటల్స్ సముదాయం గల భూమి మాది అనే వక్ఫ్ పిటిషన్ ని తెలంగాణ హై కోర్ట్ గత వారం కొట్టేసింది. 

ఈ సమాచారం మొత్తం 'ట్రూ ఇండలజీ' అనే ట్విట్టర్ హేండిల్ వారు సేకరించి పంచుకున్నారు. 

ఢిల్లీలో వేల కోట్ల విలువ చేసే 123 ఆస్తులు పై వక్ఫ్ క్లెయిమ్ చేస్తే, కుదరదు, అవి ప్రభుత్వ అధీనంలోనే ఉండాలి 1984లో ఢిల్లీ హై కోర్టు తీర్పు చెప్పింది. అయితే, ఆ కోర్ట్ ఆదేశాలను ప్రభుత్వాలు సీరియస్ గా తీసుకోకపోవడంతో ఆ ఆస్తులు వక్ఫ్ ఆస్తులుగా చెలామణీ అయి పలు మార్పులకు నోచుకున్నాయి. అయితే, విచిత్రంగా, ఢిల్లీ హై కోర్ట్ 1984 ఉత్తర్వులు అలా అమలులో ఉండగానే వాటిని పట్టించుకోకుండా,  సరిగ్గా 2014 ఎన్నికల నోటిఫికేషన్ వెలువడే ముందు అంటే మార్చ్ 14న మన్మోహన్ ప్రభుత్వం ఒక నోటిఫికేషన్ ద్వారా ఈ 123 ఆస్తులను వక్ఫ్ కి ధారాదత్తం చేసేసింది.

2023 జనవరి నెలలో కొందరు ఢిల్లీ లాయర్లు ఈ విషయంపై మళ్లీ ఢిల్లీ హై కోర్ట్ తలుపులు తట్టారు. దాంతో ఢిల్లీ హై కోర్ట్ మేం జూన్ 1, 1984 న ఆ ఆస్తులు అన్నీ ప్రభుత్వ అధీనంలో ఉండాలి అని తీర్పు చెప్పినప్పటికీ వక్ఫ్ కి ఆ ఆస్తులు ఎలా అప్పచెప్పారు అని కేంద్రానికి నోటీసులు జారీచేసింది.

కేంద్ర ప్రభుత్వం ఫిబ్రవరిలో వక్ఫ్ బోర్డ్ కి నోటీసులు జారీ చేసి ఆగస్టు నెలలో ఆ ఆస్తులు అన్ని ప్రభుత్వం స్వాధీనం చేసుకుంటున్నట్లు ప్రకటించింది. ఈ దారుణమైన వక్ఫ్ చట్టం చూస్తూ ఉంటే ఒక నాడు ఈ దేశంలో కొన్ని ప్రాంతాలు ముస్లిం రాజులు పాలించారు కాబట్టి వారు పాలించిన ప్రదేశాలలో ఉన్న ఆస్తులు అన్ని wakf కి చెందుతాయి అని భవిష్యత్ లో క్లయిం చేసినా ఆశ్చర్య పడక్కర లేదు.