 |
| అయోధ్య‌లో శ్రీ రాం ల‌ల్లా ప్రాణ ప్రతిష్ఠకు అస్సాం నుండి 7000 వెదురు |
అయోధ్యలోని రామమందిర ప్రతిష్ఠాపన కార్యక్రమానికి అస్సాం రాష్ట్రంలోని కామ్రూప్ జిల్లాకు చెందిన ఆల్ అస్సాం దివ్యాంగ వర్సటైల్ అసోసియేషన్ సభ్యులు 7000 వెదురు బొంగుల‌ను అయోధ్యకు పంపారు. బోకో సమీపంలోని లంపి ప్రాంతం నుంచి సేకరించిన వెదురు ముక్కలతో నింపిన కంటైనర్ ట్రక్కును గురువారం రాత్రి అయోధ్యకు పంపించారు.
అయోధ్యలోని రామ మందిర ప్రారంభోత్సవంలో ఉపయోగించే వెదురును పంపడం తమకు గర్వకారణమని రభా హసోంగ్ అటానమస్ కౌన్సిల్ సభ్యుడు అర్జున్ చెత్రీ అన్నారు. “మేము లంపి ప్రాంతం నుండి వెదురు ముక్కలను సేకరించాము. ఈ వెదురు ముక్కలను అయోధ్యకు పంపుతాము. వెదురుతో కూడిన ట్రక్ 1250 కిమీ ప్రయాణించి అయోధ్యకు చేరుకుంటుంది. ఇది మాకు గర్వకారణం. ,” చెత్రీ అన్నాడు. 7,000 వెదురు కొమ్మలను అస్సాం-మేఘాలయ సరిహద్దులోని లంపి ప్రాంతం నుండి సేకరించి గోహల్కోనా కచరిపరా వద్ద పేర్చారు.
ఆల్ అస్సాం దివ్యాంగ వర్సటైల్ అసోసియేషన్ ఈ వెదురు ముక్కలను రామమందిరం ప్రారంభోత్సవ కార్యక్రమంలో ఉపయోగించేందుకు విరాళంగా అందించింది.
