మనశక్తి ఎంత ఎక్కువైతే, అంత సరళంగా సమస్యలు పరిష్కారమౌతాయి - Mana Shakti , If We have power, the problems will be solved

సమస్యల గురించి ఆలోచించేటప్పుడు మనకు గల మర్యాదలను, హద్దులనుకూడా గుర్తు పెట్టుకోవాలి. ఒక సమస్యయొక్క పరిష్కారం ప్రభుత్వం ద్వారా మాత్రమే జరిగేడైతే, ఆ సమస్యకు ప్రతిఘటన గురించిన ప్రయత్నాలుకూడా ఆస్థాయిలోనే జరగవలసి ఉంటవి. ఇతర సంస్థలు తమ హద్దులమేరకు నడచుకొంటూ ఇవ్వదగిన సహకారాన్ని అందిస్తాయి. సమాజంలో వివిధ సమయాలలో తాత్కాలిక సమస్యలు అనేకం ఉత్పన్నమవుతూ ఉంటవి అవి మనకు గ్రుచ్చుకోవటం లేదు, మనలను నేరుగా బాధించటం లేదు-కాబట్టి పట్టించుకోవటం లేదు అనుకోవటం తగదు. సంఘం ఆ సమస్యలపట్ల కళ్లు మూసుకొని నిశ్చింతగా కూర్చొనిపోవటం లేదు. అన్ని సమస్యలనూ సరిగా పరిశీలిస్తూనే ఉండిఉంది. 

   ఈనాటి ప్రజానీకానికి ఈ సమస్యలతో ఎంతో కష్టం కలుగుతూ ఉంది కదా- మరి సంఘం ఇన్ని సంవత్సరాలుగా పనిచేసుకొంటూ వస్తున్నది, అంటే గతంలో ఇంతకంటే ఎక్కువ కష్టమే అనుభవించి ఉంటుందని అర్ధం చేసుకోవాలి. సంఘం ఉందికాబట్టే ఈమేరకైనా పని జరుగుతూ ఉంది. ఇంత కష్టపడిన తర్వాతకూడా-సమస్యలే ఉత్పన్నం కానివిధంగాగాని' ఉత్పన్నమైన సమస్యలు మనం కోరుకున్న తీరులో అత్యంత సులభంగా పరిష్కారమయ్యే విధగా గాని- మనం కోరుకున్నంత శక్తి నిర్మాణంకాలేదు. ఆ కారణంగా మనకు దుఃఖం కలుగుతూ ఉండవచ్చు. అయినా అవకాశం జారిపోయిందే, ఇప్పుడింకేమి చేయగలము అంటూ నిరాశచెందనక్కరలేదు. ఇంక మనం చేయగల్గిందేమీ లేదు, ఇన్నాళ్లుగా దక్ష-ఆరమ చేస్తూనే ఉన్నాంగదా, ఏమి సాధించాము? ఎంతకాలమైనా ఇలా చేస్తూ పోవలసిందేనా? - ఇటువంటి ప్రశ్నలతో నిరాశ చెందవలసిన అవసరమే లేదు. ఒక అవకాశం జారిపోయినంతమాత్రాన మరల ఇంకొక అవకాశం రానేరాదని అనుకోరాదు. మన ఆస్తిత్వము ముందు ముందు చాలా ప్రభావాన్ని కలుగజేస్తుందని సంఘం గట్టిగా నమ్ముతున్నది. ఏదో ఒక తాత్కాలిక సమస్య లేదా అవకాశమూ కలసి వచ్చినపుడు - ఎంత మూల్యం చెల్లించి అయినాసరే, వాటిని సాధించేందుకు పూర్తిశ్క్తిని వినియోగించగలదు.